ياسيّدي (مشعل) أنا شاعر وانوب=عن ربعي اللي للدّهر خليتهم


حمّاية الحد السعودي بالجنوب =يشوش راسي كل ما اسمع صيتهم


ربعي هل الطالات في سلم وحروب=ماني بــ(يحيى) كان ما طرّيتهم


( يام(ن)) مع (همدان) لاعيتني الدروب =من وين ما اسوق قدمي لقيتهم


دسمالهم أبيض وتلقاه (معصوب) =والعود الازرق يحترق لاجيتهم


فديتهم والناس غالب ومغلوب=اليا احتمى الموقف هنا حطّيتهم


هم تاج راسي محزمي يوم النشوب=لاطاحت عزومي ذخر عدّيتهم


في ظل ( أبو متعب) و( أبو خالد) ماهوب =في ظل حي الله بشر فديتهم


(آل السعود) اللي ليا هبّت هبوب=أقطع شراييني إذا ما ارضيتهم


ياسيّدي( مشعــل) بنينا لك قلوب=وقلبك غدا لمواطنينك بيتهم


تباشرت بك سيّدي كل الشعوب =لانّك على باقي المدن بدّيتهم


أرحب عدد ماهمّلت عند الغروب=في ديرة اللي للسما شلّيتهم


تباشروا بك سيّدي وانت محبوب=ويدرون انك بالخفا حبّيتهم


يامرحبا ياسيّدي وانت الشروب=وبجيّتك يابن الملك أرويتهم     


ويدرون انك للفخر محزم وثوب=وببشت أبوك اليا أظلمت غطّيتهم


جرّب تناديهم ليا جات الكروب=ياتون قوم(ن) مابعد ناديتهم


ياتونك سيول(ن) تلاطم كل صوب=تحتار في كم العدد لاريتهم      


فيهم ولا ومعاهده وانت محسوب=ضمن العهود الخالده لاالفيتهم


(أ)صدورهم شرحه ومسلوبة عيوب=وطبع الوفا والمرجله (مانشيتهم)


اقولها باسمي واسم فخر الجنوب=ربعي( أبالحارث) هنا حطّيتهم