هذا الليل معنا جن بسم الله الرحمن=تعوذ من الشيطان والنيه النيه


على اذنك على اذنك ياطويل العمر حمدان=ترى في الصدر كلمه ولاهي بمخفيه


ترى الرجل هذا اللي صبوله ملوك الجان=بمسكه ذا الليل خط النعيريه


لو يجر صوته ناصر بأعذب الالحان=ويغني معه مليون جني وجنيه


ابسفره ومن الامارات بالمجان=على اول تريله رايحه لسعوديه


انا مهلهل المعنى وانا عنتر القيفان=وانا الشاعر الفلته وانا الشاعر الصيه


وهو ساحر الافكار ومروض الكهان =وعلاقته ويا الجن ماهي طبيعيه


احسب ان ناصر مات واثره الى الآن=يلوي شدوقه كنه الداب والحيه


لو ان ذبحته بتدخلني الجنه من ازمان=ذبحته لكن ذبحته ماهي بعاديه


بكفه عصى موسى قبل خاتم سليمان=وذبحه يبا يسبب لنا حرب اهليه


ترى ماحنا بصحبان ولا حنا بعدوان=لكن اشوف العلاقه بين هذي وهاذيه


لكن الوفا والطيب والعز والاحسان=جيبه لك من هناك وانا من هنيه


تحدي تحدي والتحدي يبي فرسان=ولا فيه حبت خشم ولا محنيه


هل القوطي المزاز تلقاه في الدكان=وهل السيف بو حدين تلقاه فالهيه


ولا حقر فالمره ولا حقر فالعجمان=ولا كل يامي تفتخر فيه ياميه


حلالاه لو اني سبيعي من السبعان=سبيعي سبيعي مرضعتني سبيعيه


ترنا مثل الاخوان واكثر من الاخوان=وعلى المرجله والمقدره نارها حيه


شربنا حليب الابل من عادنا ورعان=قبل تشرب العالم حليب السعوديه