سلطان المسعري




ياهاجسي حسب السلـم والقوانيـن
غن المعاني في لزومـك وهالحيـن
بقـول بسـم الله تفـر الشياطيـن
سته على سته نظـر سالـم العيـن
الا يالمطيري حان تبيـض الاوراق
وخلك جنوب ولـد عينـك شمالـي
ليا صرت تاقف دون على ربعك ساق
ابسألك ياجعلـك تجيـب السوالـي




فايز العوني


وقفاتنا معروفـه مابهـا شـك
والباب قدامك ومفتوح ماصـك
واشيب عينك لو ادك البناء دك
ســتــه عــلــى.......
علومٍ لها وقفات وعلوم ماطاق
على روسكم همال وبل الخيالي
نبا نركب الطابوق سبعين طباق
ولا جاتك الوقفـات ياهملالـي




سلطان المسعري




وقفاتكـم وقـت الشدايـد كثـيـرة
وحنا هل الطـالات روس الجزيـرة
طحنت حبوبك في الرحى المستديرة
ســتــه عــلـــى .......
عسى الله يديم الستر ويديم الارزاق
عشان العرب تقعد تصيـح وتلالـي
ابا ابحث علومٍ ساكنه وسط الاعماق
عساها تسكت من يشـد الرحالـي




فايز العوني




سلطان مالك فـي دروب الفشيلـة
انشد وتلقا في الكتـاب الوسيلـة
يجر صوته في اللقـا يـا حليلـة
ســتــه عــلـــى .......
توقع قبل لا علقك وسـط معـلاق
وتصبح ضحية بين صفر الدلالـي
صحيبي رقد من نومته ما بعد فاق
لاكن شيل حملك في ظهور الجمالي




سلطان المسعري




افعولنا مثـل النجـوم وسناهـا
ولا انت تدخل وجهها في قفاهـا
ترى الدواسر دوم تاسم عصاهـا
سـتـه عـلـى سـتـه.......
ليا صرت تقدر سوها قبل الاشراق
وكل الحظور شهود يابن الحلالي
وما دام لفعول التواريخ عشـاق
ابجيبها من يوم جالـي مجالـي




فايز العوني




افعولكم في الطبل والدق معروف
وانته على وقفتك وعيونك تشوف
تكتب لها بحروف وتمسح حروف
ســتـــه عـــــل.....
كشفتك من اللي للمطابيل وثـاق
وهذي سواتك يا كريم السبالـي
بعد شفتك مرسم وفي يدك مطراق
تهايط على بعض العرب بحتيالي




سلطان المسعري


ريشتك قلي منهـو اللـي خذاهـا
يوم ان ليل الحرب تطحن رحاهـا
اشيوخكم ذبحت ولا حـدن رثاهـا
سـتــه عـلــى ............
ترى فعلنا بيـن المواليـف بـراق
وصفق الهوى ما هز روس الجبالي
ليا صرت لفعول الرياجيل سـراق
ليا جاك دورك تتقي فـي ظلالـي




فايز العوني




وا شيب عينك لو بغيـت اتحـداك
الزمك في الميدان واكتـف ايـداك
مـا باقيـن الا توامـي برجـلاك
ســتـــه عــــــل.....
جذبني على لاماك ترحيب الاشوق
ولا ادري حرامٍ في الزمان او حلالي
ترانـي بعدهـا للمراقيـب ويـاق
تبن لك خيمة وانسدح في الضلالي




سلطان المسعري




عطنا الحقايق خل هرج الوراعيـن
عطني فعولك مـع دليـل وبراهيـن
بـس النذالـة فـن درسٍ وتلقيـن
ســتـــه عـــلـــى ....
انا للمراجـل دايـم الـدوم سبـاق
ولاكن اشوفك صار فيـك اختلالـي
ليا صرت حول البحر بيجيك الاغراق
تنوشك فعايـل محتميـن التوالـي

مشكوور اخوي وماقصرت
وياليت ماتحرمنا من مواضيعك الحلوه هذي