      |
 |  |  |  | |||||||||||
| ||||||||||||||
 |  |  |  | |||||||||||
 |
| | LinkBack | أدوات الموضوع | انواع عرض الموضوع |
06-07-2006, 12:11 AM
| رقم المشاركة : 1 | |||||
| قصة بنت والماسنجر.. (قصة طويلة لكنها تستاهل قصة جنااااان) هذي قصه تناقلتها الكثير من المنتديات والكثير الكثير من المجموعات البريديه وحبيت اطرح هالقصه بالمنتدى ، السالفه ومافيها هذي بنت اسمها سارا مدمنه على النت وكانت ماتسكر النت الا الساعه 1 بالليل المهم ذي البنت كانت تحب الماسنجر مجمعه كل صاحباتها فيه الي تعرفهم والي ماتعرفهم كانت بس تحب السوالف والعربجه وهي كان النك نيم حقها (( سوسو)) في يوم من الايام اضافها واحد ومسمي حاله (( f14 )) المهم مر اسبوع وهي ودها تعرف مين هذا وليش اضافها ومين اعطاة الايميل حقها لاكنها ماشافته على الماسنجر يعني يأست البنت وتركته من غير (حظر) بعد ثلاثه ايام دخل هو الماسنجر وشافته طبعا انبسطت عشان بتفتح تحقيق معه هو : f14 : هاي سوسو :من انت سوسو : ومن وين عرفت ايميلي وش حقه اضفتني ومين اعطاك الايميل..الخ f14 :: بسم الله شوي شوي علي سوسو : سلامتك ماني صارعتك يالله بسرعه جاوب f14 : ليش انتي بنت سوسو : أي عندك مانع f14 : لا بس انا غلطان اختي لاني كنت بضيف صديقي وطلع الايميل غلط يمكن سوسو : وليش تغلط عمي ماتشوف f14 : اختي قلنا آسف عن الغلط من البدايه ماسكتها تحقيق معي سوسو : اجل تضيف بنات الناس وماتبغا حد يحقق معك والله شباب فاضي ماعندة سالفه f14 : اقول اختي فرصه سعيدة وآسف مرة ثانيه وممكن انك تحذفيني او تحضريني اذا مش عاجبك الوضع سوسو : يعني ايش تقصد f14 : اقصد مع الف سلامه سوسو : ليش ما اعتقد كلامي يزعل f14 : لا بس انا مشغول شوي باي سوسو : لحظه لحظه f14 : هلا تآمرين بشي سوسو : لاسلامتك بس ماقلتلي ايش اسمك f14 : هه ليش مهم سوسو : وليش الضحكه ما اعتقد كلامي يضحك f14 : لا ابدا لاكن كلامك بالبدايه غير وهذا غير سوسو : طيب آسفه على السؤال باي f14 :باي وضلت سارا حاقدة عليه لانه استفزها وما اعطاها وجه ومر يومين وماشافته بالنت طبعا مدة طويله لوحدة طول وقتها بالنت المهم لما دخل على الماسنجر على طول هي الي بدت الكلام وقالتله سوسو :مرحبا f14 :مراحب سوسو :كيف الحال f14:بخير وبعد صمت طويل سوسو : آسفه الظاهر انك مشغول وانا عطلتك f14 :لا ابدا حبي لا كن انا اشتغل على البحث حقي وما ادخل الماسنجر كثير سوسو :وشو حبك حبتك القرادة قول انشاء الله f14 :وش فيك انقلبتي سوسو :بس بأي صفه تقول حبي سوسو :الشرهه على الي يكلمك مش عليك f14 : سوري آنا آسف وحقك علي سوسو :سوري ولا لبناني مايهم وهذي آخر مرة تقول ذا الكلام f14:طيب ياصاحبه السمو اوعدك ما اعيدها سوسو :اللــــــــــه عجبتني كلمه صاحبه السمو كذا الكلام والا بلاش. f14:خلاص من اليوم ورايح راح اناديك صاحبه السمو وش تبغين اكثر من كذا.. سوسو :طيب انا ايش اناديك f14 :هههه حلو ذكائك انا ناديني باسمي خالد سوسو :واااو اسمك جنان حلو مرة حلو مش مثلي طاح حظي f14 :كل واحد اسمه حلو ولايق عليه سوسو : ليش مش حاب تعرف ايش اسمي f14 :على راحتك اذا حابه تقولي قولي واذا مش حابه اكتفي بصاحبه السمو سوسو :طيب كم عمرك شكلك مش كبير f14 :لا كبير ماني بزر عمري 25 سنه سوسو :العمر كله بس هم صغير سوسو :على فكرة انا اسمي سارا وعمري 18 f14:ههههه سوسو :انت من صجك تضحك f14 :أي ليش عندك مانع سوسو :لا سلامتك بس مافيه سبب يضحك f14 :آسف مرة ثانيه سوسو :اقول وش رايك انا معي شله بنات نضيفهم بالمحادثه وندردش f14 :لالالا انا مثل ماقلتلك عندي بحث ولازم اخلصه ومشغول شوي يعني وقت ثاني انشاء الله f14:باي سوسو :زين مثل ماتحب باي وضلت سارا مع خالد على هذا الحال مدة شهر وهي دوم تفكر فيه وبعدها ضل لمدة ثلاثه شهور مايدخل النت او يرسل لها ايميل البنت جنت وقالت اكيد شافله شوفه ثانيه وضلت تفكر فيه لاكنها كانت تقول دوم هو غير الشباب اللي بالنت هو غيرهم كلهم واحد ثقيل مايهمه البنات كثير وبعد اسبوع. f14 :يامساء الخير والاحساس والطيبه سوسو :اهلين وينك يالقاطع f14 :سلامتك لاكن الاختبارات ماترحم وهذي آخر سنه لي سوسو :الله يوفقك f14:وحشتيني موووت سوسو :انت اكثر f14 :صدق تتكلمين ؟ ما اعتقد سوسو :والله ما اقدر على فرقاك جد اتكلم شوفلك صرفه f14:خلاص انا عند حل يرضي كلا الطرفين سوسو :ايش هو ؟ f14 :ايش رايك اعطيك رقم جوالي واذا حبيتي تشوفيني بالنت او وحشتك مثل ماتقولين ارسلي بس رساله لي سوسو :نعم نعم نعم لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه وو .. الخ f14 :والنعم لاكن انا ماقلت بكلمك قلت ارسلي رساله و يصير خير سوسو :خلاص غير الموضوع بسرعه f14 : اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله سوسو :طيب باي f14:باي طبعا سارا اخذت موقف من خالد لاكنها ولشدة فضولها سجلت الرقم المهم بعد كم يوم اشتاقت تكلمه او بالاخص عندها موضوع حبت تقوله عنه فكرت وفكرت ايش تسوي او كيف تشوفه بالنت فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه المهم كتبت برسالتها (( خالد معليش لو سمحت تدخل النت ضروري )) المشكله انه مارد عليها او دخل النت مرت نص ساعه على ذا الوضع انقهرت البنت وارسلت رساله ثانيه تقول فيها (( معليش آسفه على الازعاج )) وكرهت نفسها بعد هذا الموقف انها تصورت انه مطنشها وبعد ايام (( شافته بالنت ولا كلمته وضلت على هذا الوضع ربع ساعه )) ملت وتنازلت انها هي الي تبدأ بالكلام سوسو :السلام عليكم f14 :هلا والله سوسو :لو سمحت احذفني من عندك وما عاد اشوف رقعت وجهك بالماسنجر f14 :اللهم سكنهم ايش الي صار سوسو :بعد الحركه الي سويتها معي ماودي اكلمك او حتى اشوفك بالقروب حقي f14:ليش لاسمح الله انا ايش سويت سوسو :لا انت برئ ماتسوي شي سوسو :بس طنشتني وانا كنت محتاجه لك ذاك اليوم f14 :أي يوم سوسو :اقصد الرسايل الي ارسلتها لك لاتستهبل خويلد f14:آآة تقصدين حقت النت سوسو :أي هي ليش مادخلت النت او حتى قلت انك مشغول f14: لا عمري انتي فهمتي غلط انا افتكرته واحد من الربع مطلع رقم جديد سوسو : لا بس انا آسفه وهذي آخر مرة كانت لحظه طيش f14 :عمري لاتقولي هذا الكلام وثاني شي انتي قلتي انك ماتبغين الرقم آخر مرة شفتك فيها وانتي ماكتبتي اسمك بالرساله عشان اعرف انها منك سوسو :طيب قلتلك انسا الموضوع f14 : طيب ايش هو الموضوع المهم الي كنتي تبغين تقولينه سوسو : خلاص ماله داعي f14 : بتقولين ولا كيف ؟ تراني عصبت سوسو : كل مافي الموضوع ان انا خطبني محمد ولد عمي طيب وانا ما احبه ولا اطيق اشوف رقعت وجهه واهلي موافقين كلهم واخاف ارفض وعمي يزعل من بابا f14 : والمطلوب سوسو : انصحني f14: شوفي انا ماني سريع بالكتابه يعني راح اتصل عليكي واقولك رايي لان الموضوع باين عليه طويل سوسو : لااا مجنون انت f14: يابنت الناس ماني مآكلك وثاني شي انتي لاتتكلمين انا بس الي راح اتكلم اوكي سوسو : (( وبعد تفكير مطول )) طيب لاكن انا مابقول ولا كلمه f14 : اوكي بعد ثواني تررررررن (( طبعا نغمه راشد )) خالد : الووووو مرحبا سارا :....... (( صامته البنت تستحي )) خالد : طيب قولي مرحبا انا كذا ما اعرف اكلمك وانتي ساكته يعني كأني مجنون اكلم نفسي سارا : (( بلا شعور )) لا سلامتك خالد : الله الله يسلملي هالصوت الحلو سارا : ((لاتعليق )) خالد : اوكي ماراح اطول عليكي انتي قلتي انك ماتحبينه ممكن اعرف السبب سارا : ضروري تعرف خالد : اكيد عشان اقولك رايي سارا : (( سارا طبعا بلا شعور )) لانه واحد معقد وتافهه وماعندة سالفه خالد : يمه منك كذا على طول خليتيه معقد ؟ اكيد في سبب سارا : لا بس من طريقه كلامه واسلوبه وثاني شي شايف عمرة مدري على ايش كأنه مافي حد درس جامعه غيرة خالد : يعني المثقف عندك معقد او مغرور خالد : انا طيب مهتم بدراستي فوق ماتتصورين سارا : لاااااااا عاد انت غير خالد : من أي ناحيه سارا : كلك على بعضك حلو ياحلو خالد : احم احم خالد : كله من ذوقك يا عسل سارا : تسلم (( قالتها بكل خجل )) خالد : المهم اذا كنتي لهذي الدرجه ماتحبينه خلاص ارفضي والي يصير يصير المهم انتي تكوني مرتاحه سارا : طيب ممكن اطلب طلب خالد : آمري تدللي سارا : ممكن ترسلي صورتك خالد :ههههه لا طبعا سارا : طيب آسفه خالد : لا عمري لاتزعلين لاكن انا من جد مش وسيم واخاف تنصدمين سارا :طيب اوصفلي نفسك خالد : احم احم طبعا اناقصير اسمر شعري كشه على قولكم انتوا البنات سارا :ههههه أيش دعوة خالد :طيب هذا ابن عمك حلو سارا : ياي يجنن تخيل طويل وابيض عيونه عسليه وشعرة ناعم مثل جواد العلي خالد : هههه هذا الي قاطع قالبكم يالبنات جواد وطقته سارا : لا بس ماشاء الله عليه كثير وسيم يمكن احلى مني بعد خالد :ليش انتي مش حلوة سارا : لا قمر واحلى من القمر بعد لا كن انا متواضعه خالد : ههههه واضح متواضعه )) طالت المكالمه لمدة 3 ساعات تقريبا وفجأة )) سارا : اووو خالد الساعه 2 الوقت سرقنا وانا عندي بكرة مدرسه خالد : اوكي عمري ما اطول عليك لاكن بكرة بس اجلس الصباح راح ادق عليكي اوكي سارا : اوكي مع السلامه خالد : تصبحين على خير جلست سارا الصبا ح وهي متأخرة على الدوام وطبعا اعطوها حرمان من الحصه الاولى جلست بالساحه تفكر بخالد وفجأة رن الجوال (( على نغمه راشد )) خالد : الو سارا : الووو خالد : يسعد لي هالصباح سارا : هلا والله الطيب عند ذكرة خالد : مشاء الله كنتي تفكرين فيني ولا كلام بس سارا : انت ايش شايف خالد : ماقلتيلي ماعندك كلاس الحين سارا : لا عندي بس حرموني منها لاني رحت متأخر خالد : اووف ماعاش من يزعل عمري وضلت سارا وخالد على هذا الحال كل يوم تكلمه ولاتفوت أي شي الا وتقوله له ورجع في يوم من الايام ولد عمها وتقدم لها للخطبه لا كن اهلها هذي المرة غصبوها على الموافقه ووافقت بعد تردد وتفكيرطويل واتصل خالد : الووو عمري كيف الحال سارا : هلا حياتي كيفك خالد : تمام سارا : خالد بقولك على شي متعبني خالد : ايش هو لايكون تعبانه او مريضه سارا : لا حياتي لا كن ولد عمي رجع خطبني مرة ثانيه واهلي غصبوني عليه خالد : طيب (( يعني ايش )) سارا : يعني انا وافقت عليه وصار خطيبي وبعد اسبوع كتب كتابي عليه خالد : طيب تحبين اخطبك سارا : انت تتمسخر علي (( تقولها وهي تبكي )) خالد : لاعمري لاكن ليه تبكين سارا : لانك آخر واحد فكرت انه يتمسخر علي خالد : طيب اقولك على سري الي ماقلته لحد قبلك سارا : ايش هو خالد : انا كمان خاطب بنت قرايبنا سارا : ايش وليه ماقلتلي لهذي الدرجه انا رخيصه ووو.....الخ خالد : انتي وش فيك صبر علي خالد : آة وعلى فكرة اسمها سارا وعمرها 18 وهي بنت ولا كل البنات سارا : ايش تقصد ؟ خالد : اقصد ياعمري انا اسمي محمد ولسه متخرج من اسبوعين وخاطب بنت عمي سوسو سارا : (( بدون شعور سكرت بوجهه السماعه )) مر اسبوع وجاء يوم كتب كتابها من غير ماتكلمه او يكلمها المهم بعد ماعقد قرانهم اجا عشان يشوفها ويجلس معها هي كانت تبكي وتقوله ليش سويت كذا فيني حرام عليك قالها لانك كنتي ماتحبيني وخليتك تحبيني غصب صح قالتله : صح وتبادلو الضحكات هههه وعاشوا حياة سعيدة هذي القصه يقال أنهاحقيقيه وحصلت بالمملكه.. وحبيت أنوه على شي قبل الختام..وهو أنه مو في كل مرة تسلم الجرة يعني لازم ناخذ الحذر من الماسنجر والتشات وكل هذا الكلام الفاضي ..مانقول صابت مع خالد وسارا.. يمكن تصيب معانا..لأااااااااااااا والف لااااااااااااااا.مو الوحدة فينا تنخبط على عقلها وتقول خليني أجرب يمكن تصيب معاي..خذوا الحذر يابنات..ومن خاف سلم.. ولكم تحياااااااااتي !! | |||||
 |
|
06-09-2006, 12:07 AM
| رقم المشاركة : 2 | |||||||||||||
|  رد: قصة بنت والماسنجر.. (قصة طويلة لكنها تستاهل قصة جنااااان) مشكوره على الكتابات الرائعه | |||||||||||||
| |
|
06-10-2006, 08:27 PM
| رقم المشاركة : 3 | |||||
| رد: قصة بنت والماسنجر.. (قصة طويلة لكنها تستاهل قصة جنااااان) تسلمين ماقصرتي ع مرورج وطلتج الحلووه .. يعطيج العاافيه .. | |||||
| |
|
06-11-2006, 03:10 PM
| رقم المشاركة : 4 | |||||
| رد: قصة بنت والماسنجر.. (قصة طويلة لكنها تستاهل قصة جنااااان) مشكوره | |||||
| |
|
06-24-2006, 08:39 PM
| رقم المشاركة : 5 | |||||
| رد: قصة بنت والماسنجر.. (قصة طويلة لكنها تستاهل قصة جنااااان) مشكووووووووووورة على القصة الحلوووووووة | |||||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
 |  |
.gif)
العرض العادي
